ဖြစ်သလိုနှင့်ကြုံသလို

ဖြစ်သလိုကြုံသလိုစားတဲ့… ပထမဆုံးမမMegumiကတက်(Tag)တယ်…နောက်ပြီးကိုနေလင်းက ချိူးတယ်(ခြေမ)...မမလဲ့ကဂစ်တွားရော..တော်သေးတယ်(၃)ယောက်လုံးကခေါင်းစဉ်တူနေလို့။ နို့မိုရင်မစားသာဘူး။ :D

ဟိခေါင်းစဉ်ကတော့အကျင့်နဲ့သိပ်မကွာပါဝူး။ ဟုတ်သမီးကတော့ကြုံသလိုပဲဝယ်စားလိုက်တာပါပဲ။ ၀ယ်စားမဲ့ဆိုင်ကိုသွားလို့ကြိုက်တာမရှိရင်တော့မစားတော့ဝူး။ ငယ်ငယ်တုန်းကလည်းဂျီးမများပါဘူး(ဟင်းတစ်မျိုးကိုတစ်ခါပဲစားပါတယ်၊ နောက်ထပ်ကျွေး လုံးဝကိုလှည့်မကြည့်ပါဝူး)။ နောက်ပီးအစာကျွေးရတာလက်ဝင်တဲ့ကလေးအမျိုးအစားထဲမှာထိပ်ဆုံးကပါပါတယ်။ ငယ်ငယ်ကထမင်းကျွေးရင်ထမင်းတလုတ်တလုတ်ကိုနာရီဝက်လောက်ကြာအောင်ကျွေးရတယ်လို့ မေမေကပြောဖူးပါတယ်။ ထမင်းလုတ်ကိုပါးစောင်မှာငုံထားတာတဲ့။ ဒီဘက်ပါးကိုလက်နဲ့ထိလိုက်ရင်ဟိုဘက်ပါးစောင်ကိုပြောင်းငုံပါတယ်တဲ့။ ပြီးတော့ ထမင်းကိုလက်နဲ့ခွံ့ရင်လက်ကိုကိုက်လွှတ်ပါတယ်။ ဇွန်းနဲ့ကျွေးရင်ဇွန်း တူနဲ့ကျွေးရင်တူကို ကိုက်ထားတတ်လို့ မီးငယ်ကိုထမင်းကျွေးရမှာအိမ်မှာကူတဲ့လူတွေကကြောက်ပါတယ်တဲ့။ မေမေတစ်ယောက်ပဲထမင်းကျွေးလို့ရတာပါ။ အဲဒီတော့ မီးငယ်တစ်နေ့ကိုမနက်စာနဲ့ ညစာပဲကောင်းကောင်းစားတာပါ။ ဘာလို့လဲဆိုတော့မေမေကရုံးသွားရသေးတယ်လေ။ အဲတော့နေ့လည်စာကိုဘယ်သူကမှမကျွေးရဲပါဝူး။ :)

ဖေဖေမကျွေးဘူးလားလို့မေးစရာရှိပါတယ်။ ဖေဖေကချောက်မှာနေပါတယ်။ မေမေ မပါဘဲနဲ့ဖေဖေ့နောက်ကိုလိုက်သွားရင် ထမင်းကျွေးဖို့ကိုကအလုပ်ကြီးတစ်ခုပါ။ ထမင်းပန်ကန်၊ မီးငယ်၊ ထမင်းကျွေးတဲ့သူအားလုံးကိုကားပေါ်တင်ပြီးမြို့တစ်ပါတ်(ချောက်ကတော့ကျဉ်းကျဉ်းလေးပါ)ပါတ်ပြီးရုံးကလူတွေကထမင်းကျွေးရတာပါ။ အဲဒီမြို့တစ်ပါတ်မှာလိုချင်တဲ့အရုပ်ရှိရင်လည်းထမင်းစားအောင်က၀ယ်ပေးရပါသေးတယ်။ ပြီးရင်ထမင်းလုတ်ကို အငိုက်ဖမ်းပြီးပါးစပ်ထဲကို သွင်းရပါတယ်။ နောက်ပဠနဂိုလ်ကိုပြောင်းတော့ မေမေ မပါပဲလိုက်သွားတယ်။ (၂)တန်းလောက်ရှိပြီထင်ပါတယ်။ ဖေဖေကသူ့ဆီမှာတစ်ပါတ်ပဲထားပါတယ်။ တစ်ပါတ်ပြည့်တော့ချက်ချင်းကိုပြန်ပို့ပါတယ်။ မေမေ့ကိုလည်း မင်းသမီးကို မင်းမပါပဲနဲ့နောက်ဘယ်တော့မှငါ့ဆီမလွှတ်နဲ့တဲ့။ အေးရော။ ပဠနဂိုလ်ကတောကြီးထဲမှာပါ။ မန်းသံပုရာကန်ရဲ့အရှေ့ဘက်ခြမ်းမှာပါ။ သူနဲ့အနီးဆုံးကမီးချောင်းရဲဆိုတဲ့တောမြို့လေးပါ။ ဈေးတောင်မှတစ်ပါတ်မှာ(၂)ရက်ပဲရှိပါတယ်။ နောက်ပြီးတောင်ဘက်မှာရှိတဲ့တောင်တွင်းကြီးနဲ့ဆိုရင်(၂၄)မိုင်ဝေးပါတယ်။ မကွေးကိုသွားဖို့အတွက်တောင်တွင်းကြီး-မကွေးကားလမ်းပေါ်ရောက်ဖို့ပဠနဂိုလ်ကနေ(၂၁)မိုင်လောက်လမ်းခွဲကိုရောက်အောင်ထွက်ရပါတယ်။ ညဖက်တွေမှာဆိုရင် တောခွေးအူသံတွေကြားရပါတယ်။ အဲဒီလောက်တောခေါင်တဲ့နေရာမှာမီးငယ်အကြိုက်စားစရာရှိ့ပမလား။ အဲဒီတုန်းကတော့ဖေဖေက ပြန်ပို့လို့မီးငယ်ကိုမချစ်ဖူးလို့ထင်တာပေါ့။ ကြီးလာတော့ပြန်ပို့တာတောင်နည်းသေးလို့ကိုယ့်ဟာကိုယ်တွေးမိပါတယ်။ အစားအသာက်နဲ့ပါတ်သတ်ပြီးဆိုးတာတွေပြောမယ်ဆိုရင်တော့ ပီးမှာကိုးမဟုတ်ဖူး။ :D

နောက်ပိုင်းကြီးလာတော့ကြိုက်ရင်စားတယ် မကြိုက်ရင်လှည့်ကိုမကြည့်ပါဝူး။ အပြတ်ပဲ..ဘာရမလဲ နာတွ။:D တအုံရောက်တော့လည်း သူငယ်ချင်းထဲကတစ်ယောက်ကချက်တတ်ပြုတ်တတ်ဆိုတော့ကျောင်းကန်တင်းတွေမှာ မီးငယ်စားချင်တာကိုသူကလုပ်ကျွေးပါတယ်။ သူငယ်ချင်းတွေကပြောပါတယ်..နင်ကဘာမှသာမလုပ်တတ်တာအရိုးများသလေး ချီးခါးသလေးနဲ့၊ နင့်ရတဲ့ယောက်ျားတော့ဒုက္ခပဲနင့်ကြောင့်တော့ရင်လေးတယ်တဲ့။:( (ကြောရက်လိုက်ကြတာ..အဟင့်..) သူငယ်ချင်းတွေကလည်းမေးပါတယ်? ယောက်ျားရရင်ဘယ်လိုလုပ်မလဲတဲ့?..နင်ထမင်းဟင်းကောင်းကောင်းမချက်တတ်တာနဲ့ ရိုက်ခံရမယ်တဲ့… ဟုတ်မီးငယ်အဖြေကရှင်းပါတယ်…သူကမီးငယ်ကိုချစ်လို့ယူရင်ယူပါ… ဒီလိုဒီလိုအကျင့်တွေရှိပါတယ်။ ကြိုက်ရင်ယူမကြိုက်ရင်မယူနဲ့ပေါ့။ ဈေးမဆစ်နဲ့လေ။ သူ့ဝေယျာဝေစ္စတွေလုပ်ခိုင်းဖို့(ထမင်းချက်၊ အ၀တ်လျှော်ဖို့)ယူတာဆိုရင်တော့ ဆောရီးပါ။ ထမင်းချက်တတ်တဲ့လူလိုချင်ရင်Cook ကိုယူ၊ အ၀တ်လျှော်ဖို့ဆိုရင်တော့အ၀တ်လျှော်စက်ဝယ်ထားလိမ့်မယ်လို့ပြောလိုက်ပါတယ်။ :D

ခုAITရောက်လာတော့ချက်ပြုတ်ကျွေးတဲ့သူကခေါ်လာလို့မှမရတော့တာ။ မီးငယ်ရေးထားတဲ့ အတွေ့အကြုံနဲ့ခေါက်ဆွဲကြော်ဆိုတဲ့ ပို့စ်(၂)နှစ်ခုကိုဖတ်ဖူးရင်မီးငယ်ရဲ့အချက်အပြုတ်အရည်အချင်းသိပါတယ်။ အဲဒီတော့စားမကောင်းမဲ့တူတူအချိန်ကုန်ခံပြီးမချက်တော့ပါဘူး။

1stSemester တုန်းကတော့မီးငယ့်စီနီယာကချက်ကျွေးပါတယ်။ မနက်ဆိုရင်အစ်ကိုကBreakfastစားမယ်ဆိုပီးခေါ်ပါတယ်။ အိပ်ရာထနောက်ကျရင်အစ်ကိုရေအတန်းကိုသာယူခဲ့တော့လို့ပြောပါတယ်။ အစ်ကိုကပေါင်မုန့်နဲ့ စတော်ဘယ်ရီယိုသုပ်ပြီး မုန့်ဗူးနဲ့ထည့်လာပါတယ်။ မနက်စာကတော့အဲသလိုဖြစ်သလိုစားပါတယ်။ တစ်ခါတစ်လေUFMသွားပြီး(လေပေါရင်းနဲ့) ကော်ဖီအေးနဲ့လည်းပီးတဲ့ရက်တွေရှိပါတယ်။ နေ့လည်စာရောညစာရောအစ်ကို့အဆောင်မှာစားပါတယ်။(မီးငယ်အခန်းကထမင်းချက်လို့မရပါ။ မီးငယ်အခန်းမှာ ဓါတ်ဗူးရယ်၊ ကော်ဖီဖျော်ဇွန်းရယ်၊ မတ်ခွက်ရယ်ပဲထားပါတယ်။ ကျန်တာအားလုံးအစ်ကို့အဆောင်မှာပါ။) အစ်ကိုနေတာကStudentVillageဆိုတော့မီးဖိုချောင်ပါပါတယ်။ အဲလိုအဆောင်တွေက(၃)ယောက်နေရတာပါ။ တစ်ခါတစ်လေမောင်နှမ(၂)ယောက်ခေါက်ဆွဲပြုတ်စားတဲ့နေ့လည်းရှိပါတယ်။ များသောအားဖြင့်အစ်ကိုကထမင်းချက်ပါတယ်။ ဟင်းကတော့ငါးနဲ့ကြက်သားတလှည့်ဆီ(၀က်သားမစားသောကြောင့်)ဖြစ်သလိုပဲဝယ်စားပါတယ်။ အိမ်တွေကထည့်ပေးထားတဲ့အကြော်အလှော်လည်းပါပါတယ်။ အကြော်အလှော်ကတော့မီးငယ်အိမ်ကပို့လိုက်အစ်ကို့အိမ်ကပို့လိုက်နဲ့ မလို့အဆင်ပြေပါတယ်။ 1stSemester တစ်ခုလုံးအဲသလိုပဲဖြစ်သလိုစားပါတယ်။

2ndSemester ရောက်တော့မောင်နှမ(၂)ယောက်လုံးပွဲပျက်ပါတော့တယ်။ ထမင်းအိုးကိုလှည့်ကိုလှည့်ကြည့်ဖို့နေနေသာသာ မနက်စာတောင်မစားဖြစ်တော့ပါဘူး။ နေ့လည်စာနဲ့မနက်စာပေါင်းစားရပါတယ်။ နောက်ဆုံးAITကန်တင်းကိုရောက်တာပေါ့။ ကန်တင်းမှာကလည်းတစ်ရက်လာလည်းဒီဟင်း နောက်တစ်ရက်လာလည်းဒီဟင်းနဲ့ဆိုတော့ နောက်ပိုင်း ဗီယက်နာမ်ထမင်းဆိုင်ရောက်ပါတယ်။ အဲဒီမှာလည်းဗီယက်နာမ်အစားအသောက်နဲ့ထိုင်းအစားအစာကိုမရိုးရအောင်မှာပီး ကြုံသလိုစားပါတယ်။ အဲဒါမှအဆင်မပြေရင်ဟိုဘက်ကျောင်းထဲကိုသွားပြီးစားပါတယ်။ တစ်ခါတစ်လေပီဇာမှာစားသလို (၉၈)ဘတ် ပဲပေးရတဲ့ဘူဖေးလည်းသွားကြိတ်ပါတယ်။ စာမေးပွဲနီးရင်စားတော့စားပါတယ်။ ဘယ်အနပ်အတွက်စားနေလည်းဆိုတာတောင် တော်တော်စဉ်းစားယူရတဲ့အခြေအနေတွေရောက်လာတတ်ပါတယ်။

ခု3rdSemesterရောက်နေပါပီ။ နည်းနည်းစိတ်ကောင်းဝင်နေလို့ရယ်..ခုမီးငယ်ပြောင်းထားတဲ့အခန်းကမီးဖိုချောင်ပါလို့ရယ် စာနည်းသေးလို့ရယ် ထမင်းချက်စားနေပါတယ်။ ဟင်းကတော့အိမ်ကပို့တဲ့အခြောက်အခြမ်းရယ်၊ တစ်ခါတစ်ခါချက်တဲ့ဟင်းငန်ငန်နဲ့ ဖြစ်သလိုစားနေပါတယ်။ အဲဒါမှ မစားချင်ရင်ကုလားဆိုင်ကရောင်းတဲ့ ကြက်သားပူတီသွားစားပါတယ်။ အဲဒါမှ မမြိုချင်ရင်PCကကြက်ကင်ကိုဝယ်ထားပီး နွေးစားပါတယ်။ အဲဒါမှ မဟုတ်သေးရင်ပေါင်မုန့်စားပါတယ်။ စိတ်မရှည်ရင် မြောင်းမြဒေါ်ချိုမုန့်ဟင်းခါးထုပ်ကိုချက်ပြီးမုန့်ဖတ်မပါပဲနဲ့အရည်ပဲသောက်နေတတ်ပါတယ်။ နောက်ဆုံးဘာမှမစားချင်ရင် မနက်စောစောလည်းရေခဲမုန့်ချည်းထိုင်စားပြီး ကော်ဖီအေးလည်းသောက်နေတတ်ပါတယ်။

နောက်ဆုံးပိတ်ကတော့ဟင်းကောင်းကောင်းစားချင်ရင် မမနေနွယ်နဲ့မမငယ်ကိုချွဲပြီး ချက်ကျွေးခိုင်းပါတယ်။ မမနေနွယ်ကSeafood Saladသုပ်တာကောင်းပြီးတော့ မမငယ်ကတော့ ဂဏန်းကိုမဆာလာနဲ့ချက်တာကောင်းပါတယ်။ တစ်ခါတစ်ခါမမမြတ်သန္တာတို့အိမ်ကလည်း မီးငယ်တို့ကိုထမင်းစားခေါ်ပါတယ်။ AITမှာကတော့ ချက်စား၊ ၀ယ်စား၊ ကပ်စားပါတယ်။ မမ Megumi မမလဲ့ နဲ့ ကိုနေလင်းရေ ညီမလေး ငယ်ကျိုးငယ်နာရော စားပုံသောက်ပုံပါသိလို့ကျေနပ်ပါတော့နော်…

ဒူကိုထပ်Tag ရမလဲ။ ဒူမှလဲကျန်တော့ဝူး။ ရှရှားကအစ်ကိုတွေရဲ့စားပုံသောက်ပုံကလည်းတိပီးတားချိုတော့..အင်းဒူ့ကိုTag ရင်ကောင်းမလဲ…ဟဲဟဲ ကိုဖိုးချမ်းနဲ့ ကိုသူရိန်ကျန်တေးတယ်။ ကိုသူရိန်၊ ကိုဖိုးချမ်းရေ..ရေးပေးပါဗျို့...
If ရေးပေးလျှင် Then
မန်းလေးသင်္ကြန်မှာ နှစ်တိုင်းကဲရမှာဖြစ်ပီးတော့…
Else အင်္ဂလန်မှာ တစ်သက်လုံးအရိုးထုတ်ရ မှာဖြစ်ပါတယ်။
ကိုသူရိန်ကတော့ ဆရာဝန်တစ်ယောက်ရဲ့စားသောက်မှုပုံစံကိုကြောကြမှာဖစ်ပါတယ်...ဟဲဟဲ(အချွန်နဲ့မပြီ)
ကိုသူရိန် (Done)