စုထားတာအကုန်ထုတ်... :P

မီးငယ်ပစ္စည်းစုတာဝါသနာပါပါတယ်။ တံဆိပ်ခေါင်းရယ်ပီးတော့ Poohရုပ်နဲ့ဆိုင်တဲ့ပစ္စည်းလေးတွေရယ်ပါ။ ခုတော့မီးငယ်နဲ့အတူတူရှိနေတာက တံဆိပ်ခေါင်းစာအုပ်လေးဆိုတော့။ သူ့ကိုပဲအရင်ထုတ်ကြွား… အဲဟုတ်ပါဘူး...မီးငယ်စုထားတာလေးတွေကိုအမှတ်တယအနေနဲ့ထုတ်ပြတာပါ..ဟီး..:D

တံဆိပ်ခေါင်းစုတာကိုစပြီးဝါသနာပါတာကပထမနှစ်လောက်မှပါ..ငယ်သူငယ်ချင်းယမင်းကတံဆိပ်ခေါင်းစုတော့ ကောင်လေးတွေကသူ့ကိုတံဆိပ်ခေါင်းလက်ဆောင်ပေးချင်တဲ့အခါ မီးငယ်ကိုပါ(မျက်နှာလိုချင်တော့) ထည့်ပြီးပေးရင်းနဲ့ စပြီးစုဖြစ်တာပါ။ နောက်ပြီးသူငယ်ချင်းနေတိုးကလည်းသူ့ဦးလေးစုထားတဲ့တံဆိပ်ခေါင်းတွေယူလာပြီးပေးတော့တဖြည်းဖြည်းများလာတာပေါ့။ အဲဒီမှာတင်ပိုးကမသတ်နိုင်(လောဘ၀င်လာတော့) ပိုက်ပိုက်ကုန်တော့တာပေါ့ :( ။ မန်းလေးမှာက တံဆိပ်ခေါင်းစုတဲ့သူတော်တော်ရှားပါတယ်။ မီးငယ်ခုတင်ထားတဲ့ဓါတ်ပုံတွေထဲမှာတံဆိပ်ခေါင်းတွေကိုတံဆိပ်ခေါင်းစုတဲ့စာအုပ်(Stamp Album) နဲ့ စုထားတာမဟုတ်ပါဘူး။ Photo Album ထဲကိုထည့်ပြီးစုထားတာပါ။ မန်းလေးမှာကStamp Album ရောင်းတဲ့ဆိုင်ဆိုတာမရှိသလောက်ပါပဲ။ တစ်ချို့ဆိုင်တွေဆိုရင် မေးတဲ့သူကိုတောင်အရူးထင်နေကြတာပါ။ နောက်ပိုင်း ရန်ကုန်မှာသွားနေတော့မှာ စကော့ဈေးထဲမှာသွားပြီး တံဆိပ်ခေါင်းဝယ်ရတာ တစ်လတစ်လ မာမီပေးတဲ့လခကမလောက်တော့ပါဘူး..(မာမီနဲ့လည်းခဏခဏ စိတ်ကောက်ရပါတယ်) ဒါတောင်မီးငယ်ကကံကောင်းပါတယ်။ မီးငယ်ဝယ်တဲ့ဆိုင်ကဦးလေးက တံဆိပ်ခေါင်းစုတဲ့ဝါသနာရှင်ဆိုတော့မီးငယ်ကို အများကြီးအကူအညီပေးပါတယ်။ တစ်ချို့ဆိုင်တွေဆိုရင် တံဆိပ်ခေါင်းတစ်လုံး(မဆလခေတ်လောက်က)ကို မြန်မာငွေ (၄၀၀၀) နဲ့ (၅၀၀၀)ကြားမှာတောင်းပါတယ်။ မီးငယ်ကိုဆိုရင်ဦးလေးက အဲဒီထက်သက်သာတဲ့ဈေးနှုန်းနဲ့ပေးပါတယ်။ ဦးလေးကြောင့်လည်းတံဆိပ်ခေါင်းကို စနစ်တကျစုတတ်လာခဲ့ပါတယ်။ ဒါပေမဲ့အဲဒီဦးလေးဆိုင်သွားရင် တစ်နေကုန်လုံးအလုပ်မရှိတဲ့ရက်ကိုသွားမှပါ။ နို့မိုဆိုရင်သူဟောတဲ့တံဆိပ်ခေါင်းတရားကိုနာနေရတာနဲ့တစ်နေကုန်တာပါပဲ။ မီးငယ်ရဲ့ကားမောင်းတဲ့ဦးလေးဆိုရင်စိတ်ကိုညစ်ရောပဲစောင့်ရတာကြာလို့..ဟိ။

နောက်တစ်ယောက်ကတော့ မီးငယ်ရဲ့မမ မမလင်းလင်းပါ။ မမကလည်းတံဆိပ်ခေါင်းစုတာဝါသနာပါ ပါတယ်။ နိုင်ငံခြားတံဆိပ်ခေါင်းအများစုက မမဆီကနေရတာပါ။ မမအင်္ဂလန်ကနေပြန်လာတုန်းကဆိုရင်တံဆိပ်ခေါင်းတွေကို ကီလိုချိန်တွေနဲ့ပါလာတာပါ။ အင်္ဂလန်မှာကစာတိုက်တွေကတံဆိပ်ခေါင်းရောင်းတဲ့ရက်တွေရှိတယ်တဲ့။ သူတို့ကတံဆိပ်ခေါင်းတွေကို တူရာတူရာလေးတွေကို ခေါင်း(၂၀) (၃၀)လောက်စုပြီးအပ်ချည်ကြိုးလေးတွေနဲ့ချည်ထားပြီး လိုချင်တဲ့သူကကိုယ်ကြိုက်တဲ့အထုပ်လေးတွေကိုယူပြီး (၁)ကီလိုကဘယ်လောက်နှုန်းဆိုပြီးရောင်းတာပါတဲ့..(သူများနိုင်ငံများနော်..) မီးငယ်တို့နိုင်ငံများဒီနေ့တံဆိပ်ခေါင်းထွက်မယ်ဆိုရင် မနက်စောစောစာတိုက်မဖွင့်ခင်ကတည်းကသွားစောင့်နေရတာပါ။ ဒါတောင်ရောင်းတဲ့စာရေးမတွေရဲ့မျက်နှာကိုကြည့်နေရတာပါ။ သူတို့ကမီးငယ်တို့လို စုတဲ့လူတွေကိုမရောင်းချင်ပါဘူး။ တံဆိပ်ခေါင်းပြန်ရောင်းစားမဲ့သူတွေကိုပဲရောင်းချင်တာပါ။ အဲဒီလူတွေကလည်း တံဆိပ်ခေါင်းတွေကိုအချပ်လိုက်ဝယ်ကြတာပါ။ နောက်နေ့ဆိုရင်တံဆိပ်ခေါင်းက၀ယ်လို့မရတော့ဝူး။ ဟောကြည့်ပြောရင်းနဲ့ လွဲသွားပြန်ပြီလမ်းကြောင်းက။

တံဆိပ်ခေါင်းတစ်ခုက တစ်ခါထွက်ရင် တံဆိပ်ခေါင်းရယ်၊ First Day Cover လို့ခေါ်တဲ့ စာအိတ်လေးရယ်၊ တံဆိပ်တုံးရယ် ထွက်ပါတယ်။ တံဆိပ်တုံးကတော့ ပထမဆုံးထွက်တဲ့တစ်ရက်ပဲထုပေးတာပါ။ နောက်ရက်တွေကို အဲဒီတံဆိပ်တုံးမသုံးပါဘူး။ ပုံမှန်စာတိုက်ကသုံးနေကျတံဆိပ်တုံးတွေပဲသုံးတာပါ။ အဲဒါကြောင့်မို့လို့ တံဆိပ်ခေါင်းဝယ်မယ်ဆိုရင် ပထမဆုံးစထွက်တဲ့နေ့ကိုဝယ်နိုင်ရင်အကောင်းဆုံးပါပဲ။ ပြီးတော့ တံဆိပ်တုံးလည်းတစ်ခါတည်းထုလို့ရတယ်လေ။ မီးငယ်မာမီတို့ခေတ်တုန်းကတော့ Post Card လေးတွေပါထွက်တယ်လို့ပြောတယ်။ ခုတော့မပါတော့ဘူး။ မီးငယ်တံဆိပ်ခေါင်းအများဆုံး Support လုပ်ပေးတဲ့သူတွေက မမလင်း၊ ကိုငြိမ်းဝေဖြိုး၊ ကိုနေလွမ်းသူ နဲ့ ယမင်း တို့ပါ။ နောက်ပြီး ဘွားဘွားဆီလာတဲ့ စာတွေကိုလည်း ဘွားကို စာဖောက်ပေးပြီးတာနဲ့ မီးငယ်နဲ့မမလင်းလင်းက စာအိတ်ယူပြီး တံဆိပ်ခေါင်းခွာတော့တာပဲ။

တံဆိပ်ခေါင်းခွာတာလည်းနည်းရှိတယ်။ ဒီအတိုင်းစာအိတ်ကနေတံဆိပ်ခေါင်းကိုခွာရင်တံဆိပ်ခေါင်းနာပါတယ်။ ရေနွေးငွေ့ပေးပြီးခွာရတယ်။ ရေနွေးအိုးပေါ်မှာစာအိတ်ကိုရေနွေးငွေ့ခံပြီးထားရတာပါ။ ပြီးမှအခြောက်ခံရတာပါ။ ဒါပေမဲ့သူက အချိန်ကြာပါတယ်။ မာမီ့နည်းကတော့ ရေပူရေအေး ရောထားတဲ့ ပန်းကန်လေးထဲကို တံဆိပ်ခေါင်းပါတဲ့ စာအိတ်(ဒါမှမဟုတ်လည်း ဖြတ်ထားတဲ့ စာအိတ်အစ) ကိုထည့်လိုက်တယ်။ (၂) မိနစ်(၃)မိနစ်ဆိုရင် စာအိတ်တခြား၊ တံဆိပ်ခေါင်းတခြားဖြစ်သွားပြီ။ ပီးတော့မှတံဆိပ်ခေါင်းလေးတွေကို အခြောက်ခံရပါတယ်။ ပြီးရင်Dictionary စာအုပ်ကြီးတွေကြားထဲညှပ်ထားပြီးကော့နေအောင်လုပ်။ နောက်ဆုံးမှ တံဆိပ်ခေါင်းစုမဲ့ စာအုပ် (Album) ထဲကိုထည့်ရတာပါ။

တံဆိပ်ခေါင်းစပြီးစုတုန်းကဆိုမာမီနဲ့ခဏခဏ စိတ်ကောက်ရပါတယ်။ မာမီကပိုက်ပိုက်ဖြုန်းလို့ဆိုပြီးဆူပါတယ်။ ပီးတော့လည်း အမှိုက်ရှုပ်တယ်။ နောက်ဆုံးငါပဲသိမ်းရတာနင့်အမှိုက်တွေဆိုပီးတော့ပေါ့။ တိတယ်မဟုတ်လား။ :D ပြီးတော့ဖေဖေနဲ့ တိုင်တယ်လေ။ တိုင်တော့ဖေဖေက မင်းတုံးကလည်းစုတာပဲတဲ့။ ငါတောင်အီရန်ကနေပို့ပေးရသေးတယ်တဲ့။ ခုနေအရူးထတုန်းစုတာ စုပစေတဲ့။ နောက်အသက်ကြီးလာတော့ အဲဒါတွေကဘာမှမဟုတ်မှန်းသိသွားလိမ့်မယ်ထားလိုက်တဲ့။ :D အေးရော မာမီကိုဘာမှပြန်မပြောတော့ဝူး။ :P အဲတစ်ခုတော့ပြောတယ် အဲဒါကြောင့်မလို့ ရှင့်သမီးကဆိုးနေတာတဲ့။ ဟိ.. :P မီးငယ်ကိုဆူနေတာကနေမျှားဦးက ဖေဖေ့ဘက်လှည့်သွားရော။(ပိုင်တယ်နော်..အဲသလိုလုပ်စားနေတာကြာပေါ့) ဟိ...

မီးငယ်သိသလောက်တံဆိပ်ခေါင်းစုပုံအကြောင်းလေးနည်းနည်းပြောပြမယ်နော်။
၁။ တံဆိပ်ခေါင်းကို ၀ါသနာပါလို့စုတာနဲ့Professional စုတာဆိုပြီး (၂)မျိုးရှိပါတယ်။ Professionalသမားတွေကပြန်ရောင်းစားဖို့စုတာပါ။
၂။ တံဆိပ်ခေါင်းကိုစုရင်Seriesလိုက်စုရင်ပိုကောင်းပါတယ်။(ပြန်ရောင်းရင်ဈေးကောင်းရလို့)
၃။ တံဆိပ်ခေါင်းကိုမပွန်းအောင်သေချာထားရပါတယ်။
၎။တံဆိပ်ခေါင်းတင်တဲ့ လင်ပန်း၊ ညှပ်(Stamp tongs )၊ မှန်ဘီလူး(Magnifying glasses) ၊ Stamp album စတာတွေ သုံးနိုင်ရင်ကောင်းပါတယ်။ ( Professional စုတဲ့သူတွေသုံးတာပါ)
၅။ကိုယ့် ဘယ်လောက်အတိုင်းအတာထိစုချင်တာလဲ(ဘယ်ခေတ်လောက်က နေစပြီးစုချင်တာလဲ) ဆိုတာကိုဆုံးဖြတ်ရမှာပါ။ ဘာလို့လဲဆိုတော့ ပေးရတဲ့ပိုက်ပိုက်ကနည်းတာမှ မဟုတ်တာ။
၆။ တန်ဖိုးကြီးတဲ့တံဆိပ်ခေါင်းဝယ်တော့မယ်ဆိုရင်တော့သေသေချာချာစဉ်းစားသင့်ပါတယ်။ အတုတွေရှိနိုင်လို့ပါ။
၇။တံဆိပ်ခေါင်းက အဟောင်း(စာတိုက်ကနေ စာတိုက်တံဆိပ်တုံးရိုက်ထားတဲ့)ကတန်ဖိုးရှိတာပါ။ အသစ်ကတန်ဖိုးနည်းပါတယ်။ ဘာလို့လဲဆိုတော့ အဟောင်းကိုထိန်းသိမ်းနိုင်တဲ့လူကပိုပြီးအထိန်းအသိမ်းတော်လို့တဲ့။

ကိုင်းသိသလောက်ကတော့ဒါပဲ……အော်ပြောရဦးမယ်ကမ္ဘာတံဆိပ်ခေါင်းဈေးကွက်မှာ မြန်မာ့တံဆိပ်ခေါင်းတွေက ဈေးကောင်းရတယ်တဲ့..(ရှားလို့တဲ့)ဟိ.. ရှားမှာပေါ့ထုတ်မှမထုတ်တာ။ဟိဟိ

ဒါကတော့တံဆိပ်ခေါင်းစပြီး စုမဲ့သူတွေStep by Step လုပ်ရမဲ့ Stepလေးတွေကိုပြောထားတဲ့ဆိုဒ်လေးပါ။ စိတ်ဝင်စားရင်ဝင်ကြည့်ပေါ့နော့်။ ဘာသာပြန်တော့ဝူးနော်..ကိုယ့်ဘာသာဖတ်လိုက်ကြတော့နော်…
တံဆိပ်ခေါင်းဘယ်လိုစုမလဲ ?